Man Utd have already met Zidane this week

Man Utd ​​បាន​ជួប​ពិភាក្សា​ជាមួយ​ Zidane ​​នៅ​សប្តាហ៍នេះ​រួច​ហើយ

ក្លឹបបិសាចក្រហម Manchester United បានទាក់ទងជួបពិភាក្សារបស់ Zinedine Zidane អតីតអ្នកចាត់ការក្រុម Real Madrid រួចហើយ នៅសប្តាហ៍នេះ ខណៈដែលគេជឿថា បុរសសញ្ជាតិបារាំងរូបនេះ ក៏បានយល់ព្រមដឹកនាំ Man Utd រួចហើយផងដែរ។

បើតាមអ្នកសារព័ត៌មាន Sky Sports លោក Richard Keys បានបង្ហើបឲ្យដឹងថា វីរបុរស Real Madrid បានយល់ព្រមដឹកនាំ Man Utd ហើយ ប៉ុន្តែលោកមិនចង់ចាប់ផ្តើមភ្លាមៗនៅពាក់កណ្តាលរដូវកាលនោះទេ ដែលមានន័យថា បុរសដែលជួយឲ្យក្រុមស្តេចស លើកពាន UEFA Champions League ៣ឆ្នាំជាប់ៗគ្នារូបនេះ នឹងឡើងដឹកនាំ Man Utd នៅរដូវកាលក្រោយ ចាប់ពីខែកក្កដា តទៅ។

Man Utd បានបញ្ចប់តំណែង Jose Mourinho កាលពីថ្ងៃអង្គារ និងបានតែងតាំងលោក Ole Gunnar Solskjaer ជាអ្នកចាត់ការថ្មីបណ្តោះអាសន្នរហូតដល់ចប់រដូវកាល។ លោក Keys បានបញ្ជាក់ថា៖ “Man Utd បានពិភាក្សាជាមួយ Zidane។ បន្ទាប់ពីជួបគ្នានៅទីក្រុងប៉ារីស កាល២ខែមុន ពួកគេបានផ្តល់លក្ខខណ្ឌមួយ នៅសប្តាហ៍នេះ។ Zidane ចាប់អារម្មណ៍ចង់ ចាប់ផ្តើមការងារនៅខែកក្កដា បើសិនជានៅពេលនោះ Man Utd នៅតែត្រូវការ”៕

ប្រភពបន្តពី​​ ៖ Sportrefresh