Pogba has previously returned to Manchester United

Solskjaer ​​ជឿ​ថា​ Pogba ​​ពី​មុន​ ត្រឡប់​មក​វិញ​ហើយ

Ole Gunnar Solskjær ជឿថាខ្សែបម្រើ Paul Pogba បានបង្ហាញទម្រង់លេងដល់កំពូលវិញហើយ បន្ទាប់ពីកីឡាករតម្លៃ ៨៩លានផោនរូបនេះ បានជួបស្ថានភាពដ៏លំបាក ក្រោមការដឹកនាំរបស់អ្នកចាត់ការចាស់ Jose Mourinho។

អ្នកចាត់ការបណ្តោះអាសន្ន សញ្ជាតិន័រវេសរូបនេះ បានដាក់ Pogba ឲ្យលេងជម្រើសដំបូង២ប្រកួតជាប់ៗគ្នា ក្រោមការដឹកនាំរបស់លោក ខណៈដែលយប់មិញ កីឡាករជម្រើសជាតិបារាំងរូបនេះ ស៊ុតបាន២គ្រាប់ ជួយឲ្យ Man Utd ឈ្នះ Huddersfield ៣-១ បន្តសង្ឃឹមប្រជែងតំណែងកំពូលទាំង៤ នៅ Premier League។

ក្រោយចប់ប្រកួត អ្នកចាត់ការ Solskjær បាននិយាយថា៖ “ខ្ញុំបានស្គាល់ Paul (Pogba) តាំងពីគាត់នៅក្រុមយុវជន។ គាត់តែងតែញញឹមបិទមាត់មិនជិត ជាពិសេសពេលគាត់ស៊ុតបាន២គ្រាប់។ នៅពេលអ្នកលេងឲ្យ Man Utd អ្នកត្រូវតែសប្បាយចិត្ត។ នោះជារឿងសំខាន់ណាស់។ Paul ស្រលាញ់ Man Utd ហើយគាត់ដឹងថាមានន័យប៉ុណ្ណា ពេលបានលេងឲ្យ Man Utd”៕

ប្រភពបន្តពី​​ ៖ Sportrefresh