Shaqiri insists Liverpool go to Manchester City to take three points

Shaqiri ​​បញ្ជាក់​ថា​ Liverpool ​​ទៅ​ទឹក​ដី​ Man City គឺ​ដើម្បី​យក​៣​ពិន្ទុ

Xherdan Shaqiri ខ្សែបម្រើក្រុម Liverpool បានលើកឡើងថា ការដែលក្រុមហង្សក្រហម ធ្វើដំណើរទៅកីឡដ្ឋាន Etihad នៅថ្ងៃព្រហស្បតិ៍សប្តាហ៍នេះ គឺក្នុងគោលបំណងព្យាយាមយក ៣ពិន្ទុ ពីក្រុមម្ចាស់ផ្ទះ Manchester City ឲ្យបាន។

Liverpool កំពុងឈរកំពូលតារាង Premier League បន្ទាប់ពីបំបាក់ Arsenal ៥-១ នៅ Anfield ដែលធ្វើឲ្យពួកគេឈ្នះ ៩ប្រកួតជាប់ៗគ្នានៅក្នុងលីគ និងមិនទាន់ស្គាល់ពាក្យចាញ់ ២១ប្រកួតចុងក្រោយ ចាប់តាំងពីខែឧសភាមក។ ចំណែកឯ Man City កំពុងស្ថិតនៅលេខ២ ដោយចាញ់ Liverpool ៧ពិន្ទុ ប៉ុន្តែបើពួកគេឈ្នះ នោះនឹងកាត់បន្ថយសល់ត្រឹម ៤ពិន្ទុ។

កីឡាករជម្រើសជាតិស្វីស Shaqiri បាននិយាយថា៖ “សម្រាប់យើង យើងទៅទីនោះ ដើម្បីលេងឲ្យបានល្អ និងព្យាយាមយកឈ្នះ Man City។ នោះជាគោលដៅតែមួយគត់ គ្មានគំនិតអ្វីផ្សេងទេ។ យើងខិតខំប្រឹងប្រែងហ្វឹកហាត់រាល់ថ្ងៃ គឺដើម្បីឈ្នះការប្រកួត។ ខ្ញុំជឿជាក់ថា បើយើងបន្តបានល្អដូច្នេះ នោះយើងនឹងក្លាយជាក្រុមជោគជ័យ”៕

ប្រភពបន្តពី​​ ៖ Sportrefresh